السلام عليكم ورحمة الله وبركاته
في البدايه بعطيكم مو موضوع أبعطيكم درس في الحياة وأبي رايكم فيه ....

طبعا عالم النت عالم كبير مجهول وغامض

تتصرف أحيانا بحسن نيه وبكل حب وطيب ينقلب هالشي عليك

طبعا حكايتي مع عالم المنتديات لها 7 سنوات تقريبا

كونت فيها علاقات وصداقات من شتى أنحاء العالم

كانت تجربتي في منتدى عربي سعودي قبل سنتين يعني قبل إفتتااح الأحاسيس

أبدعت في منتداهم وصلت مشاركاتي عندهم 14004

كنت مراقبه لامعه بمعنى الكلمه

أعترف اني قصرت في منتداي الحبيب على حساب هذا المنتدى اللي كان شاغلني

كنت اللي أعرفه اني أحبه وأدافع عنه أكثر من نفسي

طبعا شهرتي هناك أعلى من نار على علم ترصدو لي بعض أعضاءهم

بحقد وحسد ماله أي طريق

صارت كواليس كثييييره معاهم

وبما إني مديرة منتدى فأنا أحترم نفسي قبل لا أحترمهم

وأعرف أتصرف مع النوعيه هذي

كنت أطلع وأرجع للمنتدى من كثر المشاكل اللي فيه

كان الكل يقول لي ياغرآآم تبقى الإداره المتحيزه لها دور في تحطيم وفشل اي منتدى

الأعضاء اللي ترصدوا لي بكرههم الغير مقنع كانو أصحاب مدراء هذا الموقع

كنت أراسلهم ع الخاص وأقول انتو أخواني ويشهد الله وحده مافي قلبي عليكم شي

كنت ألقى رسائل منهم بأنواع السب كنت أتحمل بسبب حبي لمنتداهم

وبسبب وعد أعطيته لصاحب الموقع الأساسي ...

قامت المواضيع بالسب بمديرتكم تنزل في منتداهم بالهبل ...

وكنت أضطر احذف وأقفل

ومن زود الدناءهـ في واحد منهم إنه قام يصور ركبته ويقول هذي إهداء لك

ومن حقارة بعض البنات معاهم كانو يأيدونهم

تعبت بجد تعبت كنت أبي كلمة عدل من الإدارهـ منهم لكن لاحياة َ لمن تنادي

وفي الأخير بعد ما أهداني ركبته في وجهي

طرحت رد وجبت صووورة وردهـ وقلت هذي إهداء مني

لكم أقصد فيها البنات والشباب اللي أهانوني

في الأخير دخل صاحب الموقع ووقف عضوية الشخص الغير محترم واللي اهداني ركبته

والكل فرح واللي معاي بالمسن باركو لي بتوقيفه

قلت لهم وربي مابيه يتوقف بس ابي أعرف شنو سبب كررهه هو اللي معاه لي

كانو يقولون إنتي قناع يداري وراهـ خُبث
حكمووو علي بدون ما يعاشروني أو حتى يعرفوني ..

المهم مشت الأيام طبعا صاحبنا دخل بكذا عضويه ومازال مصمم على ركبته

وعلى تخريب منتدى خويه اللي حتى ماخلا حشيمه ولا قدر لخويه صاحب الموقع

المهم

سهرت على الأحاسيس والمنتدى الثاني

باليوم والاثنين أحيانا يكون عندي شغل في الاسكربتات واللوحه واتفرغ للردود عندهم

لكن قلت مو مشكله إعطي خير وقطيه بحر ...

البارح دخلت لقيت الصلاحيات مني مشيوله ولقيت إسمي أسود

وكأني ماسويت شي

وين تعبي وين مجهودي رآآآآح

الكل عارف ان ملوووكه ماهي بحاجة إشراف ولا مراقبه ولاحتى إداره بكبرها

لأني مكتفيه من كذا موقع أديره غير الأحاسيس

لكن اللي عور قلبي إني أنشال بهالصورهـ المخزيه والطعنه اللي في ظهري بدون ذنب

سألت لقيت انه صاحب المنتدى شالني بكل برود والسبب ما أدري فيه الى يومي هذا

لكن وصلني إن ابو الركبه هو اللي أقنعه بشيلي

نزلت موضوع عتب كامل على اللي يكرهوني ومدح كامل في إدارتهم

إكراما ً لعشرتي هناك

وبدو يظهرون ناس من الإداره كانو مختفيين سمووهم اللي معي بالمسن قطط مختفيه

ويوم شافو ان الملكه بتطلع كشرت أنيابهم وبردودهم السوووقيه رديت عليهم بكل إحترام

عرفت بعدها ووثقت إني كنت في منتدى هضم حقي واستغلني أسوأ إستغلال

وكانت مشرفه عندهم تقول لي يا غرام مهما ابتعدو هم عن بعض يبقون أخويا

مارح يفرطون ببعضهم عشان منتدى مهما أبدعتي فيه

أدركت بعدها إن الطيبه أحيانا تكون غلط وغباء في غير محلها

تعلمت من منتداهم إن الإداره بجد هي عمود المنتدى إن إهتزت إهتز المنتدى بكل مافيه

طلعت من عندهم والكل يحبني وكاسبه قلوب وإحترام الكل وهالشي يكفيني

وفي الأخير رجعو العضو اللي قام بهاجمتي والغلط علي

وكلمة شكر من الإداره وربي ماوصلتني إلا من إثنين وهم اللي انصحوني بإني اترك المنتدى

وكان لونهم بالبني ومارح أنسى وقفتهم معاي

أتمنى منكم أعضاءي الكرام تعطوووني عيووب إدارة أحاسيس مسموعة

إن كان عندي غلط أوتحيز خبروووني

لأني أرفض إني أنام وأنا ظالمه أو هاضمه حق واحد منكم

أرفض انه يكون عندي عضو يكرهـ أحد أو في قلبه على أحد أي شي

إحنا صحيح في منتدى ونتخاطب من خلف الشاشات لكن نبقى إننا نتعامل مع بشر

وعيال ديره وحدهـ

أبي هذا الموضوع درس للتسامح بينكم

أبيكم تعلموني عيوبي في الإداره يمكن أكون شديده شوي بس وربي لمصلحة المنتدى

أنا ماعندي تعصب لأي أحد فيكم

أنا أخوي هنا بالمنتدى غلط على بعض الأعضاء في لحظته وقفت عضويته

ولا قلت أخوي لأني ما أعترف بالعنصريه والتحيز

المراقبه العامه الماسه حساسه كرمتها بعد طلووعها من الاحاسيس

ومنحتها لقب تحت إسمها وكتبت مراقبه سابقه نكن لها كل التقدير
وأنا أطلع من منتدى عربي سعودي بدون كلمة حتى جزاكي الله خير

أتمنى اللي صار لي من صدمه إنها ماتتكرر عندي لأن أرفض مبدأ الإداره المتحيزهـ ...

دعوه من ملكة الأحاسيس لنقاء قلوبنا وصدقها ....

انا فتحت المنتدى للزوار عشان الكل يستفيد من تجربتي القاسيه

والغدره اللي عورتني وصدمتني وصدمت تعب سنتين راحت بغير وجه حق .....
يكفي اني تعلمت إني ما أوووفي ولا أخلص الا لمنتداي الغالي وبس
وإني أكون مديره عادله قبل لا أكون مديره ناجحه يشهد لها الكثير
إن كان ماعندي عدل أنا وطاقم الاداره ياليت تخبروني
حتى لانغلط غلطة كثير من المنتديات بجحد حقوووق الأعضاء والتعالي عليهم ....

والحمدلله على كل حال ....
والمنتدى مفتوووح للزوار فترة 3 ايام لأخذ العظه والعبره

محبتكم ...

ملكــــة الأحاسيس ...